Xerocomus badius

Onddo arrea, Boleto bayo, Bolet bai, Bay bolete

ONA ONA

Txapela: 5-15 cm-ko zabalera izan dezake. Hasieran borobila, gero konbexua eta azkenik zapala. Gaztaina kolore ederra du, belusatu samarra sasoi lehorretan eta likatsua heze dagoenetan.

Laminak: Hodi luze samarrak ditu, baina poro txikiak, hasieran zuriak edo horixkak eta hori-berdexkak zahartutakoan.

Oina: Zilindrikoa, tinkoa, haritsua eta marroi argia, betiere, txapelaren kolorea baino argiagoa. Ez du erretikulurik.

Mamia: Zurixka edo horixka, sendoa hasieran eta bigunagoa gero. Urdindu egiten da zertxobait. Usain atsegina eta zapore goxoa.

Noiz eta non aurkitu: Uda amaieratik urrira bitartean konifera artean eta lurzoru siliziodunetan; baina pagadi eta hariztietan ere aurki daiteke. Nahiko arrunta da gure parajeetan, batez ere Pinus radiata artean.

Jangarritasuna: ONA.

Oharra: Zenbait Boletusekin nahas daiteke (Boletus aereus, Boletus edulis, Boletus pinophilus eta Boletus aestivalis), baina Xerocomus badiusaren mamiak urdintzeko joera du, eta aurreko guztienak ez.

*Zalantzarik izanez gero, kontsultatu zure inguruko perretxikozale aditu batekin.