Russula vesca

Gibelarrosa, Rúsula tempranera, Russule comestible, The flirt

BIKAINA BIKAINA

Txapela: 5-10 cm-ko zabalera izan dezake. Kolorea: arrosa-arrea edo ardo-arrosa. Hasieran hemisferikoa eta gero zapala. Kutikula txapel erdira arte bereiz daiteke.

Laminak: Estuak. Krema edo hori argiak gaztetan, eta horiagoak gero, esporek horitu egiten baitituzte. Herdoil-orbanak izaten ditu zahartutakoan.

Oina: Zuria eta zilindrikoa. Gaztetan mamitsua eta biguna gero.

Mamia: Zuria eta mamitsua. Usainik ez eta hurraren zaporea du.

Noiz eta non aurkitu: Udatik udazkenera bitartean, pagadi, harizti eta pinudietan. Euri osteko eguraldi beroak ditu gogoko. Nahiko arrunta eta ugaria da.

Jangarritasuna: BIKAINA. Russula generoko onenetarikoa da, urretxa eta gibelurdina bestekoa kasik.

Oharra: Antzeko Russula jangarriekin nahas daiteke (R. cyanoxantha, R. heterophylla,…), guztiak jangarriak.

*Zalantzarik izanez gero, kontsultatu zure inguruko perretxikozale aditu batekin.