Txapela: 5-10 cm-ko zabalera izan dezake. Hasieran konbexua, zapala gero, eta noizbait titiduna. Kutikularen kolorea: bioleta iluna edo gorri-purpura. Euriaren eraginez kolorea gal dezake.

Laminak: Estuak, itsatsiak eta dekurrente samarrak. Hori-limoi kolorekoak gaztetan eta hori-okreak heldutakoan.

Oina: Zilindrikoa eta zabalagoa behealdean. Zurixka, baina urdin-bioletaz tindatua.

Mamia: Mardula, gogorra, zurixka edo horixka. Zapore mingotsa du eta fruta usaina.

Noiz eta non aurkitu: Udan eta udazkenean koniferetan. Ugaria Euskal Herriko pinudietan.

Jangarritasuna: EZ DA JANGARRIA. Zapore mingotsa du.

Oharra: Russula queletii eta antzeko Rusulekin nahas daiteke.