Txapela: 2-5 cm-ko zabalera izan dezake. Kanpai formaduna gaztetan, gero zabaldu egiten da. Titi bat izaten du erdialdean. Kutikularen kolorea marroi-purpura edo marroi-gorria izaten da. Zahartu ahala, txapela arrakalatu egiten da, erdian disko moduko bat geratzen zaiolarik.

Laminak: Zuriak, ugariak eta oso estuak.

Oina: Zilindrikoa, mehea eta hutsa barrutik. Marroi-purpura kolorekoa. Eraztun moduko bat ere badu.

Mamia: Zurixka, mehea eta hauskorra. Fruta eta baratxuri usain sarkorra du.

Noiz eta non aurkitu: Uda eta udazkenean, hostogalkorretako basoetan, pinudietan, larreetan eta lorategietan.

Jangarritasuna: TOXIKOA. Ez dago argi toxikoa den ala ez, badaezpada, baztertu egin behar da.

Oharra: Erne! Lepiota txikiak ez dira inolaz ere jan behar.