Txapela: 8-20 cm-ko zabalera izan dezake. Hasieran hemisferikoa, gero konbexua eta azkenik zapala. Hasieran gorria edo gorri-purpura da, gero marroi-gorri bihurtzen da. Kutikula belusatua du.

Laminak: Hodi luzeak eta zurixkak, gerora grisak. Poro borobilak, zurixkak eta gris argiak zahartutakoan.

Oina: Zilindrikoa, luzea, mardula eta zuria. Ezkata txiki eta arre-laranjak ditu oinaren luze zabalean. Oinaren behealdea urdindu egiten da ukitzerakoan.

Mamia: Hasieran gogorra eta trinkoa, gero biguna eta mehea, batez ere ertz aldean. Txapelaren mamia zuria da, baina kolorez aldatzen da airearekin kontaktuan: gorri-arrosa, gorri-ardotsua eta azkenik gris-urdinxka. Oinaren mamia gogorra eta haritsua da, eta txapela bezala aldatzen da kolorez. Usain ahula du eta zapore atsegina.

Noiz eta non aurkitu: Uda amaieran eta udazkenean harizti eta artadietan batez ere.

Jangarritasuna: ONA. Ez da oso preziatua mamia ilundu egiten delako sukaldatzean.

Oharra: Leccinum rufaren antzekoa da, baina hau urki eta txopo artean ateratzen da. Jangarria da.