Txapela: 5-25 cm-ko zabalera izan dezake. Mamitsua. Gaztetan fraide itxura du, gero zapala da, eta azkenik hondoratua. Txapel erdian titi moduko bat du. Okre kolorea du.

Laminak: Dekurrenteak edo oso dekurrenteak. Txapelaren kolorekoak edo argiagoak.

Oina: Handia, haritsua eta mamitsua. Txapelak baino kolore argiagoa du.

Mamia: Mamitsua eta zurixka. Almendra mingotsen usaina du, batez ere, laminek.

Noiz eta non aurkitu: Udazkenean eta negu hasieran, alturako larreetan, landetan, txilarretan eta basoetako argiunetan. Ugaria da, baina C. Nebularisa baino gutxiago.

Jangarritasuna: OSO ONA. Leku batzuetan oso estimatua da. Perretxiko gazteen txapelak sukaldatzea gomendatzen da, oina nahiko gogorra baita.

Oharra: Zaila da perretxiko pozoitsuekin nahastea.