Amanita virosa

Hiltzaile konkorduna, Cicuta fetida, Ange de la mort, Destroying angel

HILGARRIA HILGARRIA

Txapela: 4-8 cm-ko zabalera izan dezake. Kanpai itxurako txapela du, oboidea. Zuri-zuria da, satinatua. Hezetasunaren eraginez kutikula distiragarria du. Txapelak txikitxoa dirudi perretxikoaren altueraz alderatuz gero.

Laminak: Zuriak eta estuak.

Oina: Zilindrikoa eta zuri-zuria. Eraztuna dauka eta zaku itxurako bolba zuri hauskorra ere bai.

Mamia: Zuria eta hauskorra. Usain desatsegina du.

Noiz eta non aurkitu: Udan eta udazkenean harizti, pagadi eta pinudietan. Zorionez, nahiko bakana da gure basoetan.

Jangarritasuna: HILGARRIA. Amanita phalloidesen intoxikazio mota bera eragiten du.

Oharra: Txanpinoi zuriekin nahas daiteke: Agaricus arvensis, Agaricus bisporus, Agaricus Campestris eta Agaricus Silvicolarekin. Baina, Amanitek bolba dute, eta Agaricusek ez. Amanita Vernarekin eta Amanita phalloides v. albarekin ere nahas daiteke, oso antzekoa baitira; hauek ere hilgarriak dira.

*Zalantzarik izanez gero, kontsultatu zure inguruko perretxikozale aditu batekin.